சிந்திக்க சில துளிகள்

• ஒரு நாளில் வாடிப் போகும் மலர்கள் கூட சிரிக்கின்றன. வாழ்வதற்காக பிறந்த நாம் ஏன் அழ வேண்டும்.

• நீச்சல் தெரிந்த பின்னே நீரில் இறங்குவது என்பது எப்படி முடியாதோ அதே போலதான் வாழ்க்கையும்.

• மற்றவர்கள் போல் நீ வாழ்ந்தால் உன்னைப் போல் யார் வாழ்வது. நீ நீயாக இரு.

• பழி சொல்ல தெரிந்த யாரும் வழி சொல்லப் போவதில்லை.

• உன் மரணத்தின் பின் உன்னை எவ்வளவு விரைவாக மக்கள் மறக்கிறார்கள் என்பதை நீ அறிந்தால், இறைவனை தவிர வேறு யாரின் திருப்திக்காகவும் நீ வாழமாட்டாய்.

• தனியாகப் போராடுகிறேன் வெற்றி கிடைக்குமா என்று வருந்தாதே. நீ தனியாக போராடுவதே வெற்றிதான்.

• உன் கைரேகையை பார்த்து உன் எதிர் காலத்தை நம்பி விடாதே. ஏன் என்றால் கை இல்லாதவனுக்கும் எதிர்காலம் உண்டு.

• விதைகள் கீழ் நோக்கி ஏறியப்பட்டால் தான் விருட்சங்கள் மேல்நோக்கி வளரும்.

• புரிந்து கொண்டால் கோபம்கூட அர்த்தம் உள்ளதாய் தெரியும், புரியவில்லை என்றால் அன்பு கூட அர்த்தம் அற்றதாய் தெரியும்.

• நம்முடைய குணங்களையே பிறரிடமும் தேடுகிறோம். கை ரேகை போல ஒவ்வொருவருக்கும் ஒவ்வொரு குணம் என்பதை அறியாமல்.

• இருக்கும் போது அலட்சியமும் இல்லாத போது தேடலும் இது தான் மனித வாழ்கை.

• விடியும் வரை தெரிவதில்லை கண்டது கனவு என்று. வாழ்கையும் அப்டிதான் முடியும் வரை தெரிவதில்லை வாழ்வது எப்படி என்று.

• அழுவதற்கான காரணத்தை சொல்லத் தெரியாத வயதில் சத்தமாகவும், சொல்லத் தெரிந்த வயதில் மௌனமாக மனதிற்குள்ளும் அழுது கொள்கிறோம்.

• இன்பம் எப்படி இருக்கும் என்பதை உணரும் முன்பே வலி எப்படி இருக்கும் என்பதை உணர்த்தி விடுகிறது வாழ்க்கை.

• கடவுளே உனக்கு கண் இல்லையா என்கிற போது காது இருக்கிறது என்று நம்புகிறார்கள்.

• உண்மையை உளறினேன் என்கிறார்கள், பொய்யை பேசினேன் என்கிறார்கள்.

• அடுத்தவனுக்கு கிடைத்துவிட்டதே என்று மனிதன் பொறாமை படாத ஒரே விடயம் மரணம்.

• சொந்த காலில் வாழ்ந்தாலும் பிறரையும் கொஞ்சம் மதிக்க கற்றுக்கொள்ளுங்கள். சொந்த காலில் யாரும் சுடுகாடு செல்ல முடியாது.

• இறப்பதற்கு விஷம் குடிப்பவன் பிழைத்துக் கொள்கிறான், வாழ்வதற்கு மருந்து குடிப்பவன் இறந்து போகிறான்.

• உதிக்கும் போதும் மறையும் போதும் ரசிக்கும் உலகம், உச்சிக்கு வந்தால் திட்டித்தீர்க்கும். சூரியனை மட்டுமல்ல மனிதனின் வளர்ச்சியையும் கூட.

• கோலம் ஒன்று வரைந்து முடித்த பின் ஆரம்ப புள்ளியும் தெரியாது இறுதி புள்ளியும் தெரியாது.

• அடுத்தவர் பிடிவாதத்தை திமிர் என்றும் தன்னுடைய பிடிவாதத்தை மன உறுதி என்றும் பிரிக்கிறான் மனிதன்.

• நீ சூரியனை போல பிரகாசிக்க சூரியனை போல எரிய வேண்டும்.

• புதிய உறவுகளை தேடும் முயற்சியில் சிலர் உண்மையான உறவுகளை தொலைத்துவிடுகின்றனர்.

• புரியாத உறவு அருகில் இருந்தும் பயனில்லை. புரிந்து கொண்ட உறவுகளுக்கு பிரிவு தூரம் இல்லை.

• வார்த்தைகளை நெய்யத் தெரிந்தவர்கள் உறவுகளை உடுத்திக் கொள்கின்றனர்.

• கடல் நீர் உப்பென்று அதை முழுதாக அருந்தி பார்க்க தேவை இல்லை.

• யாரும் மரணிக்க விரும்புவதில்லை, ஆனால் அனைவரும் சுவர்க்கம் செல்ல ஆசைப்படுகின்றனர்.

• எல்லாவற்றுக்கும் இரண்டு கோணங்கல் உண்டு. பணக்காரன் ஆக வேண்டும் என்றால் பணத்தை குவிக்கலாம் அல்லது செலவை குறைக்கலாம். எதை தேர்ந்தெடுப்பது என்பதே முக்கியமானது.

• கோபப்பட்டு வென்று விட்டாய் எனில் உன் கோபம் பெரிது என்று அர்த்தமல்ல, அதை தாங்கிக்கொண்டவர்களின் பொறுமை பெரிது என்று அர்த்தம்.

• விருப்பம் இருந்தால் ஆயிரம் வழிகள். விருப்பம் இல்லாவிட்டால் ஆயிரம் காரணங்கள். இவை தான் மனிதனின் எண்ணங்கள்.!

• பிச்சையிடுவது என்பதில் பிச்சைக்காரன் பசியாறட்டும் என்ற எண்ணத்தை விட, நமக்கு புண்ணியம் கிடைக்கட்டுமே என்ற ஆசையில் போடப்படுவதே அதிகம்.